Como hidratar shiitake deshidratado

O shiitake deshidratado garda todo o sabor do fresco e ten a despensa sempre lista. Así o recuperas paso a paso.

Tempo: Remollo: 30 min – 8 h · Racións: 20 g · Dificultade: Fácil

Ingredientes

• 20 g de shiitake deshidratado Norteseo
• Auga (morna ou fría)

Elaboración

1. Pasa os shiitake por auga fría para quitarlles o po.
2. Método rápido: cóbreos con auga morna (non fervendo) e déixaos 30 minutos. Método lento: cóbreos con auga fría e déixaos na neveira 6–8 horas; quedan máis tenros e con máis sabor.
3. Escórreos apertando suavemente e corta a parte dura do pé.
4. Garda a auga do remollo: cóaa cun pano ou filtro de café e úsaa en caldos, arroces ou salsas.
5. Úsaos como o shiitake fresco en guisos, salteados, sopas ou arroces. Cociña sempre o shiitake ben antes de comelo.

Consello de Norteseo

Pon un prato pequeno por riba para que os shiitake queden mergullados: tenden a flotar.

Mercar shiitake fresco